حبك ڼار. اسماء الكاشف من الفصل58:80 الاخير

بالموافقة وهي بتبص علي ايدهم بفرحه كبيرة وقالت بتأكيد
اه بدري غادة لسه مجتش
سكتت وهي شايفة غادة ومعاذ داخلين عليهم وماشين جنب بعض من غير اي تلامس بالايدي ذي ما طلبت غادة وهو فرح لتحفظها فسحبت مروه ايدها وهي بتشاور عليهم بفرحه علشان يشوفوها 
_ غادة اهي جت
كز علي اسنانه بغيظ وهو بيقول پغضب
_ نزلي ايدك جنبك انتي مش عيلة صغيرة
اتكسفت وهي بتكور ايدها وحطتها جنبها ووشها كشړ بس لما شاورت معاذ شاف مكانهم واتجه هو وغادة ناحيتهم بابتسامة هادية فاتنهد عاصم بغيظ من نفسه لانه احرجها بس هي ضايقته لما سحبت ايدها منه وهو كان حاسس بفرحه بقربها منه رسم ابتسامة هادية وهو بيقوم لمعاذ الي جيه ناحيته وحضنه بقوة وغادة راحت لمروه الي قامت تستقبلها بحب وهي بتقول بمرح 
ايه الحلاوه دي يا بت يا غادة الفستان تحفة
ابتسمت غادة وهي بتلمس الفستان وقالت برقة
شكرا يا قلبي وانتي كمان جميلة وفستانك حلو اوي
شاور عاصم ليهم وهو بيقول
_ اقعدو معانا
قعدو الأربعة علي الطربيزة عاصم ومعاذ جنب بعض وكل واحد قاعده حبيبته جنبه من الناحية الثانية انشغل عاصم ومعاذ بالكلام عن الشغل واندمجو فيه فزفرت مروه بضيق وهي بتمتم بخفوت 
هو ايه القرف ده جايبني علشان يشتغل بقي دي هي الحفلة اوف
بصت علي معاذ بغيظ علشان أخذ منها عاصم وبس ابتسمت بمكر وهي بتفكر ازاي تخلي عاصم يركز معاها هي
في نفس الوقت غادة رجعت بضهرها لورا بملل وبتبرطم هي كمان وهي شايفه كل اثنين قاعدين جنب بعض بيتكلمو ويتغزلو في بعض وهي مضره تسمع كلام ممل عن شغلهم ومطنشينهم خالص برطمت بغيظ
بقي ساعه البس واتشيك علشان اعجب سي معاذ باشا وفي الاخر يسيبني ويرغي مع صاحبه الممل الي ذيه
بصت علي عاصم بطرف عينها بقرف ونفخت بغيظ وبعدين رجعت بصت قدامها وهي بتربع ايدها بضيق اخذ باله منها معاذ في الوقت ده ضړبت مروه رجل عاصم بالكعب العالي بغيظ فلف ليها بجسمه وهو متعصب بس سكت وهو شايف وشها الاحمر من الغيظ وقال 
بقي هي دي الفسحة الي هتقضيها معايا حفلة ايه وانت مقضيها شغل انا عايزه اروح
قالتها بتذمر طفولي وهي بتربع ايدها مع تكشيرة لطيفة خلته يرفع حاجبه بدهشه فمسك ايدها وقال 
_ اسف يا روحي مقصدش انشغل عنك بس شويه مشاكل في الشغل وخلاص وعد مش هنفتح كلام فيه ثاني والحفلة دي هتكون احلي حفلة تشوفيها واحنا مع بعض 
قالها بمغزي وهو بيرفع ايدها لشفايفه وعينيه متعلقة علي عينيها فابتسمت بعشق وكسوف قطع اللحظه دي انطلاق أغنيه الدخول للعرسان فانتبهو الكل وسلطو نظرهم على الباب مع دخول جاسر ببدلته الانيقة وفي ايده ميرا بفستانها الاحمر الانيق الي سلب قلوب كل الي موجودين وحبست انفاسهم مشيو بخطوات انيقة ناحية كرسي الكوشة قعدو لحظات فالټفت جاسر لميرا بعيون لامعه وقال بعشق وهو بيبص علي العقد الي اشتراه ليها بفصوصه الحمراء
_ انا فرحان اوي ده احسن يوم في حياتي وهيكمل لما اسمك يتكتب علي اسمي ساعتها بس هكون اسعد انسان وما فيش حد قدي
ابتسمت ليه بهيام وقالت بعشق
_ وانا كمان فرحانه مكنتش متخيلة في يوم اني هقع في حبك كده 
اتسعت عينيه بدهشه لأول مرة تعترف ليه بحبها فمسك ايدها وقال
_ انتي بتقولي ايه انتي بتحبيني انا
هزت راسها بكسوف ونزلت عينها لتحت الي انقذها من كسوفها هو انطلاق أغنية الرقصة فمسك ايدها برقة وسحبها معاه للساحه وقفوا في النصف وسحب ايدها برقه وحطها علي كتفه وهو حاوط خصرها بايديه وبدأت رقصتهم مع بعض يتمايلو بخفة علي الحان الاغنية رفعت عينيها لعينيه وهو بيبتسم بفرحه واعترافها ليه بحبها كان ذي الترياق الي بينعش قلبه انفصلو عن الناس وعن كل الي حواليهم وهم بيرقصو برقة ونظرات العيون بينهم ابلغ من الكلام غادة الي قاعدة جنب معاذ حاطه ايدها علي الطربيزة وتحت وشها بهيام تتابع عشقهم بنظرات مبتسمه وبتتخيل نفسها مع معاذ زفرت ببطئ وهي تتابع الرقصة وجنبها معاذ بيتابع هيامها بابتسامة مشرقة ومروه قاعدة بعيون قاتمة ووش مكشر زفرت باحباط وهي بتبعد وشها عنهم بحسد وغيرة عينها جت علي عيون عاصم فبعدت عينها عنه بضيق وكأنها بتلوم عاصم علي مشاعرها المحبطة والمستنكرة غمضت عينها للحظات بتفتكر قد ايه مجربتش احساس ذي ده معشتش لحظة خطوبة وحفلة كبيرة ترقرت عينها بدموع فرمشت عدة مرات تمنع هبوط الدموع الي بتلسع عينها قامت من مكانها پعنف وعصبية وقالت من غير ما تبص علي عاصم
هروح التواليت وجايه
قالتها واتحركت مبتعده عنه پغضب من غير ما تسمع رده فذم شفايفه بحنق وهو حاسس بالمشاعر السلبية الي اتلمكتها بس ظروف جوازهم كانت مختلفة شويه شافتها غادة فقربت من ودن معاذ وقالت بخفوت
هروح اشوف مروه مالها وارجع
هز راسه ليها وهي قامت بهدوء تلحق مروه دفعت مروه الباب بغل ودخلت بعد ما قفلت الباب وراها وقفت قدام المرايه وسندت علي الحوض بۏجع ونزلت وشها لتحت لهثت پعنف كام مره واتنفست بعمق بتحاول تهدي في نقس اللحظة الباب اتفتح فاتعدلت بسرعه مكانها علشان ما حدش يشوفها بالحالة دي لفت لما حست بايد اتحطت علي كتفها وغادة ظهرت وراها شافتها من المرايه وهي بتقول
_ انتي كويسه
من غير ما تلتفت قالت بكذب وهي بتنزل عينها لتحت بعد تنهيدة يأس
ايوه يا بنتي ما فيش حاجة كنت بعدل الميكب يله نطلع انا خلصت ولا هتعدلي الميكب
قالت غادة بهدوء وهي بتلف مروه ليها
_ لاء جيت اطمن عليكي بس
ابتسمت ليها بخفوت وهي بتحط ايدها علي كتفها وقالت بتعب
ربنا يخليكي ليه
ابتسمت غادة وهي بتشدها لحضنها فضمتها مروه أكثر وهي بتسمع دقات قلبها بعدت عنها وقالت بمرواغه
طيب يله بقي علشان ميقلقوش علينا
بصت عليها غاده بصه طويلة بتحاول تعرف الي بيدور جواها بس هي فهمت من نظرة عينيها التايهه ومحاوله هروبها بعيونها فقالت بهدوء وهي بضيق عينيها
_ متأكده انك كويسه 
هزت راسها من غير كلام فمسكت غادة ايدها بين ايديها وقالت بلطف
_ عارفه انك مفرحتيش بس المهم انك مع حبيبك مش سهل ان نلاقي الي يحبونا أكثر من نفسهم وانا واثقه ان عاصم بيحبك وهيعمل اي حاجة علشان يفرحك
مدت ايدها تمسح دموع مروه الي نزلت ڠصب عنها وقالت بلطف
_ بليز متزعليش يا مروه
مدت مروه ايدها تمسح دموعها برفق وهي بتقول
انا مش زعلانه انتي عندك حق يا غادة كفاية انه بيحبني تعرفي انك صاحبه جدعه اوي
ضحكت غادة بغرور مصطنع ولعبت حواجبها وهي تهتف بمرح
_ علشان تعرفي يا حب قيمتي
ضړبتها بخفة علي كتفها وقالت وهي بتزقها لبره 
يله يا اختي احسن يعلقونا قال قيمتها قال
خرجو لبره بعد ما عدلو لبسهم ابتسمو بخفوت وقعدو في أماكنهم برقة بينما الرقصة لسه مستمرة وكل العيون علي ميرا تلك الاميرة الرقيقة الي رافعه عينيها لفوق وابتسامتها الساحرة بتزين