حبك ڼار. اسماء الكاشف من الفصل58:80 الاخير

بغل وقالت بعصبية وبعيون ضيقة عليه ووش متجهم وحانق 
عيل رخم روحني البيت ومتكلمنيش ثاني
ابتسم بهدوء علي شكلها واتكلم يشاكلها 
_ واهون عليكي يا حب 
ربعت ايدها وقالت بضيق وهي بتلف وشها الناحية الثانية بتبص علي الطريق من شباكها
ايوه تهون علشان توقع قلبي كده ثاني 
_ اسف متزعليش مني ها كده رديتي عليه 
سكتت وماردتش عليه بس فضولها كان كبير فقالت بعد فترة قليلة وهو كان انشغل بالسواقة 
هاا ماردتش عليه جيت امتي
بعيون ضيقة ومركز في السواقة هتف بجدية بس كلمات عشقة خرجت المره دي من أعماق قلبه 
_ لسه واصل انهارده الصبح وجيت عليكي الاول كنت عايز اشبع عيني منك ماتعرفيش قد ايه كنتي وحشاني 
انت هتعمل ايه قالتها بنبرة شبه عياط ففاق علي نفسه بسرعة وضغط علي كف ايده پغضب من نفسه وعلي تهوره بغبائه خلاها تخاف منه ثاني حس بۏجع ونغزه غي قلبه لما شاف نظرة الړعب في عينها ولا وشها الي بقي أصفر زفر پغضب جواه فرجع بجسمه ثاني علي كرسيه وقال بجمود وهو بيسحب منديل ومده ليها بهدوء 
_ ولا حاجة في بقعة من العصير علي شفايفك كنت بس بشوفها خدي امسحي وشك كويس 
قالها وهو بيقرب المنديل منها اكثر بصت عليه بشك ورجعت بصت علي المنديل الي في ايده پخوف اتنهدت جامد وسحبت المنديل من ايده بسرعة وقربته من شفايفها ثاني مسحت بعشوائية وخوف وكل شويه تراقب تصرفاته وبقي جسمها كله مستعد لأي هجوم ومتحفز ضده والشنطة علي رجليها بوضع حماية فنفخ بضيق بس ضحك من جواه علي شكلها وهو بيفتح التابلوه قدامه ومد ايده طلع منه هديه متغلفه كل ده تحت نظرات الفضول في عيونها مد ايده ليها بالهدية فقضبت حاجبها باستغراب فقال بهدوء وحاول يرسم المرح ويكسر الحاجز شويه 
_ الهدية دي ليكي يا حب خذيها من ايدي ياله 
بصت عليه وبعدين رجعت بصت علي ايده وبصت علي الهدية والفضول ذي وحش ضاري جواها التهم روحها فاستجابت ليه بسرعة وسحبت الهدية من ايده بسرعة ابتسمت وبصت عليه فهز راسه ليها علشان تفتحها فمدت ايدها بصوابع محترفه تزيل الغلاف بتاع الهدية وفتحتها فشهقت بفرحة وهي بتقول وعينيها بتلتهم الهدية بفرحة كبيرة 
واو انسيال تحفة اوي
سمعت صوته الي بيسألها رأيها علي هديته
_ ها حبييتي الهدية عجبتك 
الټفت ليه بفرحة كبيرة وقالت بحب
اووي اووي انا حبيتها دي أحلي هدية جتني في حياتي كلها شكرا اوي يا معاذ 
ابتسم ليها بلطف وقال بعشق 
_ متشكرنيش انا كل الي يهمني اشوفك فرحانة واحقق كل احلامك وربنا يقدرني اني اسعدك العمر كله
ابتسمت بخجل من كلامه وعبثت بالهديه تشوف تفاصيلها لقت حرفين مدلين منها حرف م وحرف غ فقضبت حاجبها بغباء وهي بتقول بغباء أكبر كانت هتتسبب بجلطته 
غ م هو ايه غم دي يا معاذ 
_ حياتنا يا بيبي الي هتبقي كلها غم بعبائك كله 
قالها بسخرية وغيظ منها بعد ما كان مركز في السواقه قدرت تلفت نظره بحماقتها فنسي السواقه ونسي نفسه معاها ومحسش غير وهو بيهزقها ويتريق عليها فقلبت عينها بضيق ولوت شفايفها وهي بتقول باعتراض وهي بتشاور بصباعها علي نفسها 
انت بتشتمني انا 
هز راسه بتأكيد وهو رجع بنظره للطريق من ثاني وقال بضيق 
_ ايوه انتي لما تبقي غبية كده اشتمك دي يا حبيبتي اول حرف من اسم كل واحد فينا ميم يعني معاذ وغين يعني غادة يا ست العاقلين يا متعلمة يا بتاعة المدارس مش غم يا ست العاقلين
ربعت ايدها بضيق وحركت عينها بملل وهي بتبص عليه ببرود وهو لمحها بطرف عينه وبعدين اتكلمت بطريقة استفزته 
وانا الي عرفني يعني شايفني حبيت قبل كده علشان افهم
_ لاء يا روحي بس دي بديهيات المفروض تكوني عرفاها كبنت شاب حليوه يعني شبهي كده جايب هديه لبنت هبلة ذيك كده وفيها حرفين بديهي اول حرف لاساميهم مش محتاجة نباغة يعني
قال كده بهدوء وهو لسه مسلط نظره قدام
حطت ايدها علي شعرها بحرج وقالت وهي بتحرك رجلها بتوتر 
طيب وبعدين بلاش تقول عليه هبلة ثاني 
هز راسه بغيظ ورماها بنظرة حانقة ورجع بص قدامه وهو بيقول
_ والله انك عيله مستفزة اوي
ابتسمت باتساع بس خفتها بسرعة حبت تغيظة وقدرت تعملها ذي ما لعب بأعصابها لعبت هي كمان باعصابه لعبت بخصله شعرها بدلع وقالت بهمس
معاذ 
_ يا نعم 
بلعت ريقها بتوتر وسألته بفضول عايزه تسمعه منه جيه علشان بيحبها وخاف تضيع نن بين ايديه فساب اشغاله كلها ورجع علشانها 
هو انت رجعت ليه 
_ علشانك قالها بهدوء ومسك بنظراته نظراتها الخجولة ابتسم ليها وني بادلته الابتسامة تنحنح برقة وبعدين كمل بهدوء وهو بيرجع يبص قدامه وماسك مقود العربية بهدوء
_ رجعت بردو علشان في مشكلة في الشغل كان لازم احلها بنفسي عاصم قدر يوقع جودي وانهارده قدرنا نطردها من الشغل 
قضبت حاجبها باستغراب ورددت بخفوت 
جودي مين
حرك راسه ناحيتها وبعدين رجع ثاني لتركيزه علي الطريق وهو بيكمل بتوضيح 
_ البنت الي صاحبتك مروه افتكرت ان عاصم بېخونها معاها 
عينها وسعت علي الاخر وقالت بتلعثم
يعني ما طلعش خاېن
_ طبعا عاصم عمره ما يخون هو بيحب مروه صاحبتك اوي ومن ساعة ما مشيت وهو تعبان ومڼهار وقرر ينتقم ليها من جودي علشان يرجع ليها كرامتها وتعرف قد ايه هي غاليه عنده صدقيني يا غادة صاحبتك دي خسړت قلب بيحبها علشان ما ادتهوش فرصة واحده يتكلم 
قاطعته پحده علي الرغم ان كلامه اثر فيها
بس هي ادته كل الفرص يا معاذ دي شافته بعينها وهي معاه في الاوضه وبيبو 
سكتت ومكملتش بضيق بس رجعت بصت عليه وقالت بضيق
هو علشان صاحبك بس بتدافع عنه هي شافت بعينها مش حد حكالها وكان عايز يوقع بيهم 
رفع حاجبه بغيظ ووجه وشه ليها وهمس پحده 
_ علشان صاحبي 
قالها وهز راسه بضيق وهي رمقته بغل فكمل بتوضيح
_ بصي يا بنتي عاصم اه صاحبي واخويه كمان علاقتنا ببعض يمكن ذي علاقتك انتي ومروه ويمكن اكثر كمان بس ده مش معناه اني اشوفه بيغلط وادافع عنه بالعكس انا اول واحد هيقف ليه علشاني بحبه وخاېف عليه وعلي مصلحته وعلي حبه الي تعب كثير علشانه عاصم بيحب مروه من وهي طفلة صغيرة حارب علشانها كثير مش بعد كل ده هيخسرها علشان بنت ال الي لعبت علشان تسرقنا
حطت ايدها علي شفايفها من سبه وقالت بضيق وعينيها وسعه 
ايه الألفاظ دي وبعدين طيب طالما عارفين أنها كده ليه شغلتوها معاكم من الاول
_ علشان للاسف هي كانت شريكة معانا في الشركة مش سهل نرميها ونتهمها من غير دليل حقيقي ملموس 
اقتنعت بكلامه وهزت راسها باقتناع وقالت 
طيب يعني انت متأكد
حرك راسه بالايجاب وهو بيوقف العربية علي جنب