مي محمد حواديت_جبريل
اسكربت كامل !
اللهم صل وسلم على نبينا محمد وعلى آله وصحبه أجمعين بعدد كل شيئ وملئ كل شئ
متبصليش كدا
رد بتلاعب
هبص كدا ونص مراتي وأنا حر أحب فيها براحتي
بصتله پصدمة وقولت بصوت واطي علشان محدش يلاحظ
بس ياقليل الأدب
قرب مني شوية وقال بنفس صوتي الواطي
يرضيكي جوزك حبيبك يفضل قاعد لاوي بوظه علشان حضرتك مش راضية عنه
اه يرضيني
قال بنرفزة
طب وحياة ربنا لو مصلحتيني يامي ياقوم أقولهم إنك زعلانة مني ومش عايزة تكلميني
ولأني عارفة جوزي مچنون ويعملها أستأذنت إني أروح أعملهم شاي وهو دخل ورايا
قولت ببعض الحده
يعني أنا مبينة إننا عادي ومش عايزة لا مامتك ولا حد من أخواتك يلاحظ إن بينا تاتش تيجي أنت تطلع مشاكل بيتنا كدا!
كمل بغيظ وحزن
أنا مبعرفش أقعد أو أعمل أي حاجة وانت
زعلانة مني والله ما بعرف
نبرة صوتي لانت وأنا بلومه بحب
هو أنا ألي قولتلك زعلني وقلقني عليك وكمان مش عجبك إني بخاف عليك
رد بسرعة
والله عجبني ونص
مش هتقفل فونك تاني ياجبريل ل أي سبب
سماح
ضحكت بحب
سماح
قرب علشان يحضني گ عادتنا لكني بعدت بخضة
أنت مچنون ياولاه لو حد دخل علينا يقول إيه دلوقتي
رفعلي حواجبه بتعجب وقال بكل بساطة وكأني أنا ألي مچنونة
هيقولوا واحد بيحب مراته وبيدلعها وبعدين هما كلهم عارفين إن واقع فيكي من الدور العاشر ياميوي
ولا فكرك ملاحظوش لما قومت وراكي!!
ضحكت بيأس منه وأنا بدخل في حضنه
بحبك قد البحر ياولاه ياجبريل
شدني لي أكتر
أنا بحبك أكتر من أي حاجه في الدنيا
قاطع علينا لحظتنا دخول أخته وهي بتقول بمرح
وأنا بقول الشاي أتأخر ليه
وجه نظره ليها بغيظ
لو ممشتيش خلال ه ثواني هحطك مكان البراد
وحقيقي ياجماعة صدق ألي قال العيب فيكم يا في حبايبكم لكن الحب ياروحي علي
أتجوزوه ناس بتحبكم وأدخلوا وسط عائلة بتحبكم
وجودكم وسط ناس قلوبها هينة عامرة بالحب والسکينة دا أحلي شئ في الدنيا
أين أنت وأين أنا منك
مي_محمد
حواديت_جبريل
