ميراث الندم امل نصر كاملة
المحتويات
منزل غازي الدهشان
بعد وصولهن الى المنزل والجلسة مع الجدة فاطمة في بهو المنزل الكبير كان الحديث والرد على مشاكسات المرأة المشاغبة كعادتها
اه يا مضړوبة الډم انت وهي كل واحد رايحة وبطنها مادة جدامها مفكرتوش تاخدوا المرة العجوزة انتوا ما كان ليكم غير جوز جلامة على خدودكم لو العيال دي دي رجالة بصح خدتوا الجلامة ولا لاه يا بت
مأجلين الحساب لبعد ما نولد يا جدة كل واحدة هتاخدوهم من جوزها بالفوايد
قالتها روح بادعاء الاندماج معها لتضيف على قولها نادية بالسؤال الملح
هناخدوا تالت ومتلت كمان الا جوليلي يا جدة متعرفيش واد مين اللي لاشته العجرب في زرعة القمح
مين اللي لاشته العقرب في زرعتنا انا اول مرة اعرف انتوا مين جالكم
تبادلتا النظرات لبعضهما بقلق يزدن من حيرة المرأة لتكرر بسؤالها پغضب
مين اللي بلغكم بالكلام دا يا بت دا اكيد إشاعة مطلعها حد عشان يخوف الناس ويبطلوا شغل عندينا
تحولت الملامح السمحة للجدة لشراسة يعلمنها جيدا تشعرهم بفداحة ما تفوهن به في نظرها فكان لابد الان من التراجع واجادة الكذب معها
استسرلت نادية بهم في محاولة لاقناع المرأة والتي توجهت بالسؤال نحو حفيدتها
وانتي يا ست روح جوزك منزلش بعد ما وصلكم ليه ليكون معاه مشوار هو كمان منعه ما يسلم على جدته
اه والله يا جدة كان مستعجل جوي دا بلغني انه كان ناسي وافتكر بس ساعة ما وصلنا اكيد هيخلص وياجي هوا ما انتي عارفاه
امممم
زامت بها فاطمة بفم مغلق تشيح بوجهها للناحية الأخرى وقد ساء مزاجها بعد سماعها بهذا الخبر السئ والضار بسمعة العمل في الاراضي الشاسعة لهم
اما عنهما فقد خيم الصمت عليهم وحالة من عدم الارتياح
دلف بهيئة لا تبشر بالخير على الإطلاق عينيه مثل الجمر ملامحه السمراء كانت في هذه اللحظة مظلمة بحق طاقة من ڠضب قادرة على إحراق من امامها بأقل مجهود
ړعب شل اوصالها حتى تلجلجت في تكرار السؤال الذي لم يجيب عنه في المرة الاولى
غازي انا سألتك ايه اللي جابك هنا
اترزغ مكانك ياض واستنى على ما يجي دورك
سقط على مقعده لا إراديا ليستدرك بعد ذلك لنظرتها الحادة نحوه فلم يعجبها خنوعه لتعود نحو طليقها وقد عادت إليها شراستها بعد اهانة الاخر
انت ماشي ورايا ليه يا غازي واحدة جاية مكتب محترم داخل علينا بزعابيبك ايييه
رمقها بنظرة مستهزئة ثم خرج صوته اليها
اهدي شوية وبلاش تدي لنفسك جيمة اكتر من حجمك اطمني هي كلها لحظات!
لحظات ايه بالظبط جاي تكلمنا بالالغاز اياك
تشجع صلاح يستلهم القوة من شراستها ليخاطبه بنبرة تبدوا متعقلة
يا حضرت انا معرفش حقيقية انت مين وليه بتعمل كدة مدام فتنة جاية عندي لشغل اظن دي حاجة مش عيب ولا تمسك
اطلق غازي ضحكة مجلجلة ليعقب على قوله بسخرية
وبدون سبب! اللي يسمعك يفتكر انك راجل عملي وصاحب شركة على حق
افندم حضرتك
تتمتم بها صلاح لتضيف هي باستنكارها
انت كمان جاي تتمهزهق على خلق الله وتجل منهم ايييبه مش شايف غير نفسك وبس
قابل صيحتها ببرود متناهي ليومئ لها بكف يده اشارة للإنتظار مع سماعه لبعض الاصوات القريبة منهم ثم قام بفتح الباب لتنصعق هذه المرة بدخول شقيقها ثم والدها الذي طرق على الأرض بعصاه مزمجرا بتحفز بصحبة الملعۏن ابن عمها الاخر والذي اغلق باب الغرفة مخاطبا غازي
انا مشيت العيلين اللي برا والدنيا امان دلوقتي محدش هيحس بينا
محدش هيحس بينا
رددت بها بتحريك شفتيها تشعر بعظم الخطړ بتوقف الاربعة امامها كجدار من ڼار سوف يسحقها پتهمة تتواتر الى ذهنها في هذه اللحظة لتنقل بنظرها نحو هذا الذي تعول على شجاعته الان فزاد عليها بهيئته المړتعبة لتغمغم بالتساؤل نحوهم
هو فيه ايه
بعدما تناول معها وجبته من الطعام ليتسطح على التخت يريح جسده المنهك من تعب السيارة والتنقل من المشفى الى هنا وۏجع الرأس قد زاد اضعاف لولا هيبته لتأوه كطفل صغير من الألم
اعدت شقيقته المشروب الساخن لتقترب منه وتعطيه له
اشرب ده يا واد ابوي وبعدها ريح ونام اكيد على ما جومت يكون الۏجع خف عليك هو العلاج مجابش فايد دلوك
لوح بسبابته بمعنى لا ثم اعتدل بجذعه ليتناول منها المشروب الساخن ومالت هي لتعدل الوسادة كي تستند ظهره من الخلف
معلش ۏجع الراس مش هين ابدا دلوك تريح وتبجى عال العال
ارتشف من كوبه بتلذذ ليرفع رأسه نحو صغيرته بحنو متمتما
يسلم الإيدين الحلوة وحشني كل حاجة منك يا جلب اخوكي
سقطت تجلس بجواره تقول بدموع متأثرة
مش اكتر مني يا حبيبي يا خوي اللجمة مكانش ليها طعم في زوري من غيرك مهما كان الوكل حلو
عمره ما يجيب طعم الويكة حتى من يدك ربنا ما يحرمني منك ابدا
قبل
اعلى رأسها بابتسامة ممتنة يتنهد بعمق الحمد لربه ان اعاده للحياة مرة أخرى ليس من أجله وانما من اجل صغيرته صغيرته التي عرف بها طعم الابوة منذ مولدها تلك التي لم تكن تعرف معنى الدفء سوى في حضنه تحكي له كل ما مر بيومها وهو يقرأ لها ويحفظها بالأيات الكريمة والأدعية كي تنام قريرة العين دون احلام سيئة تزعجها حضڼ شقيقها الذي لم تفارقه سوى عند عمر الثامنة بعدما بدأت تكبر
انتفضا الاثنان فجأة على دوي الهاتف بجيب بيجامتها المقابل له ليظهر اسمه على الشاشة الصغيرة أمامه بوضوح ضم فمه يطالعها بضيق جعلها تتوتر في قولها
دا اكيد ناسي حاجة وعايز يسألني عليها
تمتم بصوت خفيض حانق
هي الحاجات اللي بيسألك عنها دي مبتخلصش مية مرة من ساعة ما جينا والتليفون مش مبطل رن
زاد توترها لترد بلجلجة وهي تنهض من جواره
ااا اممم هو بس عشان كان متعود ع العيشة وحده وانا باوظتله كل النظام عن اذنك هاروح اشوفه عايز ايه ريح ضهرك انت عشان تنام
قالتها وغادرت الغرفة بخطواتها السريعة ليظل متطلعا لإثرها ثم يتسائل مع نفسه باستهجان
بجى دي الصغيرة تتجوز يا ناس!
عاد برأسه للخلف ليتسطح ويريح ۏجع الرأس الذي زاد به الألم لأضعاف
الله يسامحك يا بوي ماشي يا يوسف
جلس الجميع تنفذا لامر غازي على المقاعد الموجودة بهذا المكتب الأنيق واجهة مبهرة للخداع وبدون الدخول في مناقشات او الجدال بلا معنى اخرج من جيب سترته مجموعة من الصور وبدأ يوزعها على الجميع ويخرج صوته امام الصدمة التي اللجمت معظمهم
الصور دي اتاخدت لمجابلات المحروسة مع الباشا ده اللي بتجول انها جاية عنده النهاردة في شغل
دا كله كان في محل مشهور داخل مول تجاري معروف هنا في المحافظة كذا طجم في كذا صورة معناه المقابلات اتكررت كذا مرة
السؤال بجى واللي انا عايز اعرف اجابته منك يا عمي يا كبير ناسك سنا وجيمة زي ما بتجول
بتك كانت بتجابل الواد ليه ولو في شغل فعلا ممكن اعرف ايه طبيعة الشغل اللي تخلي عميل يتجابل مع رئيس شركة في المحلات
ضړب سعيد على الأرض بعصاه لتصدر صوتا قوي ازعج الجميع يرمي بنظرات ڼارية نحو ابنته وهذا الغريب ثم يعود الى غازي بغيظ شديد يبحث عن رد ينفي عن نفسه لكن فتنة سبقته بصيحة اعتراض تفيقه من صډمته هو وشقيقها
اولا انت ملكش حق تراجبني ولا تاخدلي صور ثانيا بجى الباشا اللي انت بتتريج عليه دلوك يبجى خطيبي وهنتجوز جريب
تطلعت في الأخيرة نحو والدها تبتغي الدعم فما كان منه سوى ان يجاريها من اجل حفظ ماء وجهه وبعدها عليه تربيتها
اييوة ااا هو فعلا خطيبها وطلبها مني
يااا عمي
قالها بنظرة متشككة اربكت الرجل ولكنه كان يجاهد الثبات ليتوجه عارف بالسؤال نحو شقيقها بلهجة ساخرة ومقصودة
الكلام دا صح يا ناجي الباشا يبجى خطيب اختك وانت راجل مودرن بتطلعها بتتفسح معاه في البندر وعايشة حياتها
احتدت عيني الاخير نحوه يود الفتك به ولكنه في موقف لا يحسد عليه وكما حدث في الاولي عادت فتنة الكرة تنهر ابن عمها بهجوم
انت كمان يا سي عارف هتعمل راجل عليا دا انت متجوز المحروس
اخرسي يا بت ومتخربطيش
هدر بها مدوية قاطعة ينهرها پعنف
تصدقي بالله انت تستاهلي كل اللي يجرالك حتى
الرحمة خسارة فيكي
اضاف على قوله غازي المتماسك بقوة عن الفتك بها وازهاق روحها
تمام خالص انا عايز كلمة اخيرة اتأكد بيها ان كان الواد ده خطيبها ولا حاجة تأني عشان ننهى
خرج اخيرا صوت صلاح يستغل الفرصة التي أتت له على طبق من فضة ممتنا لغباء فتنة وحماقة والدها المغتر
انا فعلا عايز اتجوزها على سنة الله ورسوله فتنة انسانة محترمة وانا اتشرف بنسب عيلتها يا اخ انت
ابتسمت بتشفي ظنا منها انها نالت منه ليصدح صوتها بعلو وقوة
اهو جالك وانا جبليها جولتلك وابويا كمان أكدلك عليها عايز ايه تاني نغنيها ع الربابة
بزغت ابتسامة غير مفهومة على زاوية فمه أثارت استفزازها ليضرب والدها بالعصا على الأرض بحزم حتى ينتهي من هذا الوضع السخيف
خلاص اهي بانت وعرفت اللي فيها يا واد اخوي يعني فوضها بجى ولو ليك اعتراضات تأنية نكملوها في بيتنا فوضوها خلينا نمشي
هتف به يوقفه
لاه يا عمي مفيش مشيان ولازم انا احط النجط ع الحروف من اولها مدام مشيت ورا بتك في جنانها يبجى تسمع الناهية الواد ده انا سالت عليه زين وعرفت انه راجع من الخليج يعني لا باشا ولا دياوله العيلين اللي برا مكنوش موظفين ده مأجرهم النهاردة عشان حضور المحروسة وانا مش عايز اعرف كان غرضه ايه مدام انت حللته وجولت ان خطيبها جوزهالوا وانت حر معاهم بس انا بناتي هيبجو في حضڼي واللي هيتنفس منكم ويجول اخدهم ساعتها بجى هضطر الم العيلة واطلع كل الصور زي ما عملتها انت جبل كدة يا عمي فاكر
قال الاخيرة بقصد نحو ما حدث قبل ذلك مع شقيقته ليتابع أمام زهولهم
وحاجة اخيرة ارجو تسأل زين على عريس بتك اللي مأجر شجة عامل نصها مكتب شركة والنص التاني مسكن يعيش فيه دا اللي انتوا بتجولوا عليه بأشا!
قالها وسحب نفسه يخرج سريعا من امامهم تبعه عارف ايضا بعد أن القى بنظرة اخيرة عليهم ليترك الثلاثة امام صلاح الذي تحرك لسانه جيدا هذه المرة بعد ان التقط أنفاسه
انا مبسوط
متابعة القراءة
