ميراث الندم امل نصر كاملة
المحتويات
نزلت ودوقت العسل من الشفايف كنتي عملتي إيه طب يمكن طولت شوية!
وصلت بما تحمله على الصنية الفضية الكبيرة لتهتف بالاطفال بمرح
الحلو وصل يا ولاد
والله دا انتي اللي ما في احلى منك
تمتم بها غازي قبل ان يعود لمتابعة مكالمته الهاتفية من داخل الشرفة الواقف بها وعيناه تتابعها بعشق وهي توزع الحلوى على اطفاله بحنانها ورقتها ف التعامل معهن تسر القلب والعين بحق
انتفض من شروده على صوت من يحدثه عبر الاثير في الناحية الأخرى ليتحمحم مجليا حلقه يستعيد اتزانه
في الرد عليه
ايوة سامعك متجلجش كمل
صمت غازي يسمع لبقية الحديث من الرجل حتى اذا انتهى اصدر امره
برافو عليك كمل واياك عنيك تغفل وبلغني كل
لحظة بالجديد
امرك يا غازي بيه
ختم بها الرجل قبل ان ينهي معه المكالمة ليعود الى الداخل ويتخذ مقعده وسط الأطفال يخاطبهم وابصاره اتجهت نحوها وقد جلست أمامه تشاهد التلفاز بعدما انتهت من توزيع الأطباق عليهم
هللت ايه بلهفة كعادتها
فظيعة يا بابا فظيعة تجنن تسلم ايدك يا خالتي نادية
قهقه غازي للهفة صغيرته ومبالغتها التي تثير الطرافة لديه احيانا لتعقب هي بابتسامة متوسعة في الرد
للصغيرة
تسلمي يا حبيبتي من كل شړ متضحكش عليها يا غازي اية دي بالذات معزتها ف جلبي اضعاف كفاية انها شبه روح وجلبها زي البفتة البيضة
وانتي يا شروق متعرفيش شكرا زي ايه اختك يا بابا
شكرا
شكرا
ردد بها من خلفها ليغمغم بيأس
مفيش فايدة
اما نادية فقد تبسمت لها بصفاء نية تناكف زوجها
يا ختي ع الادب والزوق ملكش دعوة بيها يا غازي شروق دي عسل حتى لو متكلمتش
خلاص اطلع منها انا يا بوي كان لازم اعرف من الاول دخلة الراجل مكروهة بين اي اتنين ستات ياما احنا غلابة يا رجالة
اجفل فجأة يناظرها بقلق بعدما نهضت راكضة من أمامهم نحو المرحاض بفعل يعرفه تماما نتيجة اعراض الحمل الغبية والتي دائما ما تفقده لذة اللحظات معها
مالها خالتو نادية هي تعبانة
لا يا بابا متجلجيش هي بس لما تضحك بتدوخ
كان رد غازي لصغيرته قبل ان يصعق بتخمين الوسطى
لتكون حامل!
برقت عينيه بعدم استيعاب ينهرها
ايه اللي بتجوليه دا يا شروق اش عرفك انتي بالكلام ده
ردت ببساطة
ما هي ماما دايما بتسألني مرة ابوكي حبلت ولا لاه كل ما نروح من هنا تسألنا حتى اسأل اية
انتقل بعيناه نحو الأخيرة ليجدها مطرقة رأسها بخجل جعله يستنتج صحة قولها فتغضنت ملامحه بضجر متمتما داخله بالسباب نحو زوجته السابقة وقلة حياءها فى لفت نظر الصغيرات لهذا الشيء زفر ينهرها ببعض اللطف
غيب الكلام دا يا شروق ملكيش دعوة بيه خليكي في طبقك ومتشغليش نفسك بأمور الكبار سمعاني
لقد أتت من تنتظرها منذ ساعات اخيرا اتت
هذا ما حدثت به نفسها وهي تنهض عن جلستها على نجيل الأرض الرطبة لتركض نحو السيارة المقصودة تلوح لمن بها
فتنة هانم فتنة هانم
اتت نتيجة تعبها حينما توقفت السيارة بجوارها لتخرج لها الأخيرة رأسها من النافذة تخاطبها
عايزة ايه يا زفتة كل الناس عرفت اسمي من نداكي
تبسمت لها بسماجة ثم فتحت باب السيارة دون استئذان لتنضم بها قائلة
كدة ع الواجف طب دا ينفع
لاه يا ختي احشري نفسك من غير استئذان
تمتمت بها فتنة كرد لها وامتقعت ملامح السائق في الامام ليزفر بصوت مكتوم يستغفر ربه ثم يخاطب سيدته
طب احنا كدة هنمشي يا فتنة هانم ولا هنفضل واجفين في نص الطريج
تطوعت نفيسة تتملقه قبل ان تنقل للأخرى
دجيجتين بس يا عم اسماعيل ونازلة مش هعوج عاملة ايه يا ست الناس وحشتني ايام العز في داركم امتى بجى ترجع تاني
ردت فتنة بابتسامة فاترة
زينة يا ختي وعال العال اختصري يا نفيسة وجولي عايزة ايه مش ناجصين عطلة
عطلة دا ايه دا الطريق طريقكم هو في حد يقدر يتكلم
زمجرت فتنة
مقاطعة لها
اممم اخلصي يا بت انا ورايا مشوار مهم
اسرعت على الفور
خلاص خلاص هتكلم على طول عشان معطلكيش عن مشوارك صراحة بجى انا عايزة رقم الست هانم بت عمك روح
أجفلت فتنة ترفرف بأهدابها قليلا بعدم استيعاب
عبرت عنه
روح مين يا بت اللي عايزة نمرتها مالك يا نفيسة انتي عجلك راح منك ولا ايه بس
قالتها بمغزى فهمته الأخرى على الفور لتبرر مراعية انتباه السائق معهما
مراحش عجلي ولا حاجة انا بس واجعة في عرضها اصلي سمعت وشوفت بنفسي التجهيزات اللي بتعملها لمشروعها الكبير اللي عايزة تشغل فيه البنات وانا عشمانة يبجالي نصيب من ضمنهم حرام يعني يا ست فتنة
لا يا ختي محرمش ولا حاجة بس انا اللي اعرفه هو انك شغالة في مزرعة عم
قعطت باستدراك تأكدت منه حينما طالعت المكر جليا في عينيها لتتبسم لها مقربة رأسها منها هامسة
عايزاه عشان اللي بالي صح
لم تجيبها بالكلام واستكفت بتعيير وجهها الذي اظهر الأجابة بكل وضوح ليزداد مرح الأخرى فتسجيب لها بالقول
ماشي يا مضړوبة الډم هشفهولك مع واحدة من البنتة عيالي وابعتهولك ياللي بجى جومي خلصي خليني اشوف مشواري جومي
ها يا ست روح عجبك المكتب ولا لاه
هتف بها بعدمة أجلسها خلف مكتبها الجديد في المشروع الذي قارب على انتهاء التجهيزات به
لتجيبه هي بابتسامة ممتنة وفرح يغمرها
عجبني بس وه يا عارف دا انا حاسة نفسي دلوك سيدة اعمال بذمتك ما انفع ابجى سيدة اعمال او مجتمع
ختمت ضاحكة ليهلل هو متصنعا الاستنكار
الله اكبر انا جولت من الأول هي دي البداية يا هانم اولها مشروع وبعدها سيدة اعمال ومحد يعرف يكلمك بعد كدة وشيل يا عارف
اطلقت ضحكة دوت صاخبة في قلب الغرفة لتردد بمشاكسة
ومالوا ياسي عارف اللي يسألك جولهم مرتي وبت عمي محدش له دعوة بينا واحد بيجلع مرته فيها حاجة دي
فيها ضړبة ډم لما يصبغك جومي يا بت جومي انا هاخد المكتب دا واتبرع بيه لعم سنوسي الجزار اهو راجل غلبان يريح عليه وهو بيتأمر ع البشر اللي بتشتري منه
قالها واقترب يحاول رفعها عنه وقد غرفت هي في نوبة من الضحك مندمجة معه
لاااا دا انا مصدجت لجيته انا دلوك بس هاخد وضعي واعصى الحريم على أجوازهم الظلمة
يعني هتعملي فيها رضوى الشربيني
وانا أجل منيها يعني
تمتمت بها ردا له ليعقب هو ببعض الجدية
لا طبعا مش اجل منيها بس احنا عايزين عمار انتي عايزة الستات يبجى ليها كيان ومصدر مالي وانا عايزة اساعدك بحيث اننا نساعد الأسرة نفسها ماشي يا ست روح
تحولت للجدية هي الأخرى تجيبه
ما انا برضك دا غرضي بس كمان دا مينعش ان اجف جمب الستات المقهورة ومش لاقية اللي يساعدها ولا يبجى سند زيك كدة يا عارف انت سندي ربنا ما يحرمني منك
حاول كبت ابتسامة سعيدة تأثرا بما تفوهت به ليشاكسها مداعبا طرف انفها بإصباعيه
ليه يا ست الحسن عايزة تجولي ان ماكنتيش لاجية السند مع اخوكي كبير العيلة دا برضوا كلام يا بت
بكفها ابعدته يده عنها كابحة ابتسامتها قبل ان تجيبه
لا طبعا مين يجدر يجول كدة الاخ سوى كان جوي ولا ضعيف يكفي انه يبجى حنين وحامي لاخته لكن الراجل لما يبجى في ضهر مرته دي حاجة تانية خالص يا عمنا واخدلي بالك انت
اممم
زام يفرد ظهره امامها منتفخ الصدر قائلا
اخجلتم تواضعنا يا ست روح
مكنتش اعرف اني الصفات دي فيا
ردت بصدق يقطر مع كل كلمة منها
انا عارفة انك واخدها هزار بس انا بجولها من جلبي يا عارف انت سندي وحظي الحلو وربنا شاهد على صحة اللي بجولوا
في ناحية أخرى
خرج عمر من غرفته بعد استيقاظه من غفوة القيلولة ليبحث بعينيه عنها وما أن هم بالنداء حتى وقعت عينيه عليها جالسة في غرفة المعيشة وحدها شاشة التلفاز مشټعلة أمامها ولا تعطي لها بالا فقد كانت منشغلة بتصفح الهاتف وفمها متسع بالضحكات والابتسام من الاذن الى الاذن وكأنه اختصت العبوس له وحده
بتتكلمي مع مين بجى وبيضحك كدة
رافق كلماته سحبه للهاتف منها لتنظر له مبهوته بعدم تصديق
بټخطف مني التليفون يا عمر طب انا بتكلم مع صاحبتي تجول عليا ايه دلوك
تأكد من صدق قولها ليجلس بعدم اكتراث قائلا لها
تجولك اللي تجوله مش هي دي برضك اللي كانت بتكلمك عني المرة فاتت وتجول عني كبير ياللا في داهية تاخدها
استفزها
برده لتهتف به معبرة عن حنقها منه
هو ايه اللي في داهية دي صاحبتي مش صاحبتك انت ولا هو تحكم وبس اه
خرج تأوهها الأخير تأثرا بقبضته التي حطت على شعرها من الخلف يضغط عليه بقوة هادرا
وحسك كمان بجى يطلع كل ده من اجارة الهنا اللي جعدتيها بيت ابوكي لا يكون عينك زاغت كمان على واد خالتك اللي عايزك يا بت وانا مبجيتش مالي عينك
ااااه
صړخت بتوجع تتوسله
حرام عليك يا عمر شعري هيتجلع في يدك حل يدك عني الله يخليك
اشتدت كفه ليهم بزيادة الضغط ولكنه تراجع على اخر لحظة ليدفع رأسها للأمام پعنف ويتركها ثم قال بتحذير
لتكوني ظنيتي اني نسيت لا يا ست هدير انا صاحيلك زين جوي حسك عينك تفتكريني هين وممكن افرطلك الحبل ترجعي لحبيب الجلب اصحي يا بت دا انا عمر
اومات برأسها پألم ثم خرج صوتها پبكاء
طب وانا كنت عملتلك ايه دلوك دا كله عشان بكلم صاحبتي
بتضحكيلها وانا لا
ود ان يقولها معبرا عن حنقه لتجاهلها له وتعاملها الجاف معه هذه الايام لكن كبرياءه منعه ان يتساهل معها لينهض فجأة مستمرا في تعنته
والله انا عرفتك بطبع جوزك وانت حرة يا تكسبيني يا تجيبي الشجاوة لنفسك
مش ياللا بجى يا خالة امي هتستعجلني
زفرت سليمة تغلق المصحف بعدما انتهت من قراءة القراءن به كما انهت توزيع جميع المخبوزات المحلاة على الأطفال لتعطي اهتمامها الان لهذه الثرثارة والتي أتت لها بدلو الماء
متابعة القراءة
